აღძრავს თუ არა საქართველო საქმეს ტერორიზმზე, ყირიმის ხიდის გამო?
- 30.10.2022, 12:11,
- Политика / Происшествия
6051
ასეთი ნაბიჯი გადადგა ანუ სისხლის სამართლის საქმე აღძრა სომხეთმა ყირიმის ხიდზე მომხდარი ტერორისტული აქტის გამო. გამოძიება მიმდინარეობს საერთაშორისო ტერორიზმისადმი ხელშეწყობის მიზეზით:
აღძრავს თუ არა საქართველო საქმეს ტერორიზმზე, ყირიმის ხიდის გამო?
“მიღებული ცნობებისა და საქმის ყველა გარემოების შემოწმების მიზნით, სომხეთის რესპუბლიკის ეროვნული უსაფრთხოების სამსახურის საგამოძიებო დეპარტამენტის მიერ, სომხეთის რესპუბლიკის სისხლის სამართლის კოდექსის შესაბამისი მუხლების მიხედვით, დაწყებულ იქნა სისხლის სამართლის საქმის წარმოება, საერთაშორისო ტერორიზმისათვის ხელშეწყობის, ევრაზიის ეკონომიკური კავშირის საზღვარზე პირთა ჯგუფის მიერ ასაფეთქებელი ნივთიერებების კონტრაბანდის, ასევე, საბუთების გაყალბების, გამო” – აღნიშნულია სომხეთის უშიშროების 13 ოქტომბრის განცხადებაში.
სომეხი სამართალდამცავები ასევე იუწყებიან, რომ ტარდება საგამოძიებო ქმედებები, დაკითხულია რამდენიმე პირი.
როგორც ცნობილია, ქერჩის ანუ ყირიმის ხიდზე მოწყობილ ტერორისტულ აქტში – სატვირთო ავტომანქანაში დიდძალი ასაფეთქებელი ნივთიერების დამონტაჟებასა და დეტონაციის მოხდენაში რუსეთმა ბრალი უყრაინის სამხედრო დაზვერვას დასდო. დაკავებულ იქნა 8 ეჭვმიტანილი, ხოლო დანარჩენი ეჭვმიტანილების ძებნაა გამოცხადებული. საქმეში ფიგურირებენ ერთი სომეხი და ორი ქართველი. ტერორისტული აქტის განხორციელების მიზნით, სამშენებლო ტვირთად შენიღბული რეისი ოდესის პორტიდან გაემგზავრა ბულგარეთის რუსაში, კონტრაქტით № 02/08/2022, რომელიც გაფორმდა კიევის კომპანია შპს “Транслогистик УА” -სა და ბულგარულ Baltex Capital S.A-ს შორის. ბულგარეთიდან ტვირთი გადატანილ იქნა საქართველოს პორტ ფოთში, შემდეგ კი სომხეთში. გადაზიდვაში მონაწილეობდნენ: უკრაინის მოქალაქები ციურკალო მიხაილ ვლადიმირის ძე, კოვაჩი დენის ოლეგის ძე, სოლომკო რომან ივანის ძე, საქართველოს მოქალაქეები ინასარიძე სანდრო და ბროკერი სახელად ლევანი, ასევე სომხეთის მოქალაქე ტერჩანიანი არტური.
ამიტომ, ლოგიკურია, საქართველოს ხელისუფლება დაინტერესებულიყო ამ საქმით მაშინ, როდესაც სომხეთიდან მხოლოდ ერთი მოქალაქე ფიგურირებს საქმეში, საქართველოდან კი – ორი. თანაც, საბოლოო ჯამში, საბედისწერო სატვირთო მანქანა რუსეთის ტერიტორიაზე საქართველოს საზღვრიდან შევიდა.
დარწმუნებული ვართ, რომ გარკვეული ინფორმაციები ხელისუფლებას აქვს, მაგრამ ამ საქმეს იგი მსვლელობას არ მისცემს, არც არავის დააკავებს და რუს კოლეგებთან არ ითანამშრომლებს. ეს იქნება საქართველოს ინტერესების საწინააღმდეგო კიდევ ერთი მხდალი ჟესტი, ხელისუფლების მხრიდან, რადგან საერთაშორისო ტერორისტების ქსელი, უყრაინაში მყოფ ე. წ. “გმირ ქართველ მებრძოლებთან ერთად”, ადრე თუ გვიან, არევენ ვითარებას საქართველოს შიგნით, დაღვრიან სისხლს და დაამხობენ ამ უბადრუკ ხელისუფლებასაც, ზოგს რომ ლომი ჰგონია.
Мнение автора публикации может не совпадать с мнением редакции.
Хотите получать самые эксклюзивные и креативные новости с этого сайта, подпишитесь на них:
